Миср ҳукумати АҚШнинг ҳарбий ва иқтисодий кўмаги қайта тикланишига умид қилмоқда. Бу ҳақда Миср ташқи ишлар вазири Самеҳ Шукри маълум қилди, деб ёзади «ТАСС».
«Мамлакатларимиз ўртасидаги шериклик барча соҳаларда чуқур ва мувозанатлашган бўлиши керак», — деди Миср ташқи ишлар вазири.
Қоҳирада АҚШ ва Миср стратегик музокаралари бошланди, бу улар ўртасидаги ишончли муносабатлар тикланганлигидан далолат беради. Сўнгги марта бундай форматдаги музокараларга томонлар 2009 йилда киришган эди. Стратегик диалог Мисрда 2011—2013 йиллардаги инқилобий ҳодисалар туфайли тўхтаб қолган эди.
Изоҳ (0)