Уяли телефонида диний экстремизмни тарғиб этувчи материалларни Ўзбекистонга олиб кирган шахс 6 йилга қамалди

Ўзбекистонда туғилган шахс 2014 йили Россияда ишлаб юрган вақтида номаълум кимсалардан диний экстремизм, сепаратизм ва ақидапарастликни тарғиб этувчи материалларни уяли алоқа телефонига юклаб олиб, ватанига қайтди, деб ёзади «Ҳуқуқ» газетаси.

У Ўзбекистон божхона чегарасидан ушбу уяли телефонини яширинча олиб ўтди. Аммо ҳууқни муҳофаза қилувчи орган ходимларининг саъй-ҳаракатлари туфайли унинг қилмиши фош бўлди. Нурота—Навоий йўналиши бўйлаб ҳаракатланаётган бу кимсанинг уяли телефони текширилганда ундаги тасвирлар диний экстремизм, сепаратизм ва ақидапарастликни тарғиб этувчи материаллар эканлиги аниқланди.

Газета берган хабарига кўра, суд унинг қилмиши учун 6 йилга озодликдан маҳрум этиш жазосини тайинлаган.