23 июль, пайшанба куни Тошкентда Россия фан ва маданият маркази қошидаги Анна Ахматова номли клуб-музейда Владимир Висоцкий вафотига 35 йил тўлганлиги муносабати билан хотира кечаси ўтказилди. Унда шоир, актёр ва хонанданинг шеърлари, қўшиқлари тингланди, киноманбалар томоша қилинди.Бу ҳақда «РИА Новости» хабар бермоқда.
«Ўзбекистон Висоцкий ҳаётида муҳим ижодий из қолдирди, — дея таъкидлайди клуб-музей раҳбари Альбина Маркевич. — Унинг 1979 йилда Ўзбекистонга охирги гастроль сафарлари ҳақида ҳикоя қилувчи ‘Висоцкий. Тирик бўлганим учун миннатдорман’ фильми мисолида ҳам буни пайқаш мушкул эмас».
Эслатиб ўтамиз, Владимир Висоцкий 1980 йил 25 июлда ҳаётдан кўз юмган.
Изоҳ (0)