Мадриднинг «Реал» клуби португалиялик футболчиси Криштиану Роналду жамоанинг янги бош мураббийи Рафаэль Бенитес билан тил топиша олмаяпти, деб ёзади «Championat.com».
Жумладан, Cuatro телеканали томонидан эълон қилинган видеолавҳада машғулот вақтида Роналду ўз голини ҳисобга олмагани учун мураббийга бақиргани кўриниб туради. У португал тилида айтган «Vai Caralho!» сўзлари ҳақорат маъносида бўлиб, кимнингдир ўзини тутишидан норози бўлинганда ва унинг иши хато деб ҳисобланганда айтилади.
Эслатиб ўтамиз, аввалроқ Бенитес Роналдуни дунёнинг энг яхши футболчиси деб ҳисоблаши ёки ҳисобламаслиги ҳақидаги саволга у дунёдаги энг яхши футболчилардан бири эканлигини айтиб жавоб берган эди. Шунингдек, ушбу ҳафта бошида Роналду машғулотларни муддатидан олдин тарк этган.
Изоҳ (0)