Тошкентда пиёдаларни уриб кетган 100 га яқин ҳайдовчи воқеа жойидан яширинган

16 июнь куни Тошкентнинг Юнусобод туманида Cobalt русумидаги машина ҳайдовчиси пиёдани уриб кетди, дея хабар бермоқда «12news.uz».

У жабрланувчини автомобилга ўтқазиб, касалхонага йўл олди, бироқ ярим йўлда у маст эканлигини ва бўлаётган ҳодисаларни англамаётганлигини кўриб, уни «Уч қаҳрамон» назорат пости яқинига ташлаб кетди. Жабрланувчини кўриб қолган фуқаролар уни шошилинч тиббий ёрдам марказига етказди. Ҳуқуқни ҳимоя қилиш органларига хабар берилгач, жиноятчи аниқланди ва қўлга олинди. Таъкидланишича, агар ҳайдовчи ўз вақтида жабрланувчига ёрдам кўрсатганида, у айбсиз деб топилган бўларди, чунки пиёда маст ҳолда тақиқланган жойдан йўлни кесиб ўтаётган бўлган.

2015 йилнинг биринчи ярмида Тошкент шаҳрида содир бўлган 97 та йўл-транспорт ҳодисасида пиёдаларни уриб кетган ҳайдовчилар воқеа жойидан яширинган. Ушбу жиноятларнинг 90 дан ортиғи фош этилган.