Туркиянинг Сурия билан чегарадош Суруч шаҳрида содир этилган террорчилик ҳаракати натижасида 27 киши ҳалок бўлди, юз нафарга яқини яраланди. Бу ҳақда «РИА Новости» хабар беради.
Дастлабки маълумотларга қараганда, худкуш бомбани Амара маданият маркази олдидаги кафенинг кириш қисмида портлатиб юборди. Портлаш оқибатида ёнғин юзага келди, бироқ у тезда бартараф этилди.
Туркия парламенти аъзоси Фикрет Биланинг таъкидлашича, портлаш марказ ҳудудида яшаётган туркиялик курдларга қарши қаратилган бўлиб, улар Сурияга ИШИД жангарилари билан курашиш учун жўнаб кетишни кутаётган эди.
Изоҳ (0)