Деми Мур бассейнидаги жасад билан боғлиқ ҳодисани шарҳлади

Голливуд актрисаси Деми Мурга қарашли уйнинг бассейнидан 19 июль, якшанба куни эркак кишининг жасади топилган эди. Полиция 21 ёшли Эденильсон Стивен Уэлльснинг ўлимини бахтсиз ҳодиса деб ҳисобламоқда, деб хабар беради «Korrespondent.net».

«Мен шок ҳолатидаман. Ҳодиса ҳақида хабар қилишганда, мамлакат ташқарисида эдим. Фарзандини йўқотиш – жуда катта фожиа. Мен йигитнинг қариндошлари ва дўстларига ҳамдардлик билдираман»,—дейди Деми Мур.

Якшанба тонгида 911 хизматига аноним қўнғироқ қилингандан сўнг, полиция ва тез ёрдам ходимлари актриса уйига етиб борган эди. Эркакнинг ўлими тонгги 5:34 да қайд этилган.