Forbes рўйхатидаги миллиардер Грециядан орол харид қилди

Forbes рўйхатида учинчи ўринда турган миллиардер Уоррен Баффет италиялик миллионер Алессандро Прото билан биргаликда 15 миллион еврога Греция оролларидан бирини сотиб олди, деб хабар беради RBC.

Адриатика денгизидан 1,2 квадрат километр майдонга эга бўлган оролни сотиб олиш ҳақидаги битимдан кўзланган мақсад Греция иқтисодиётига келажакда инвестиция киритиш бўлган.

Баффетнинг сўзларига қараганда, Грециянинг ҳозирги иқтисодий шароити инвестиция учун яхши имконият яратади.

Эслатиб ўтамиз, ҳафта бошида голливуд актёри Жонни Депп Эгей денгизида жойлашган, 0,2 квадрат километр майдонга эга бўлган, одам яшамайдиган Строжило оролини харид қилган эди.