«Хамас» етакчиси уч йил ичида биринчи марта Саудия Арабистони қироли билан учрашди

Фаластиннинг «Хамас» ҳаракати етакчиси уч йил ичида биринчи марта Саудия Арабистонига расмий ташриф билан келди, деб хабар бермоқда «ТАСС».

У Салмон бин Абдулазиз ал Сауд тахтга чиққанидан буён биринчи марта янги қирол билан учрашди. Томонлар Яқин Шарқдаги сиёсий вазиятни, жумладан Фаластиндаги ички бирликни муҳокама қилди.

«Хамас» делегациясига ҳаракатнинг бошқа юқори лавозимлардаги аъзолари ҳам киргани маълум қилинган. Экспертлар фикрича, ушбу ташриф ҳаракат ва қироллик ўртасидаги муносабатлар тикланишига замин яратиши мумкин.