Жанубий кореялик рэпер Psy Хитойда йўл-транспорт ҳодисасига учради, дея хабар бермоқда Hong Kong Free Press.
16 июль, пайшанба куни унинг қизил Rolls-Royce’и Ханчжоуда автобус билан тўқнашиб кетган. Машина кортеж таркибида аэропортдан меҳмонхонага қараб ҳаракатланаётган бўлгани тахмин қилинмоқда.
Ҳалокат натижасида ҳеч кимга жабр етмаган. Автобус ҳайдовчиси йўл полициясини чақирган, бироқ кейинроқ Rolls-Royce эгаси билан товон пули ҳақида келишиб олганини маълум қилган. Қўшиқчини ЙТҲ жойидан Porsche’да олиб кетишган.
Таъкидланишича, люкс автомобилни таъмирлаш тахминан 113 минг долларга тушади.
Изоҳ (0)