Францияда миллий байрам — Бастилия ишғол қилинган кун нишонланадиган 14 июль санасида безорилар 721 та автомашинани ёқиб юборди, деб хабар қилади «ТАСС».
Мамлакат ички ишлар вазирлиги берган хабарга кўра, тартиб посбонлари 603 кишини ҳибсга олган. Ҳодисаларнинг катта қисми 13 июлдан 14 июлга ўтар кечаси содир бўлди. ИИВ қайд этишича, жорий йилда машиналарни ёқиш 2014 йилга нисбатан 23 фоизга, қўлга олинганлар сони эса 68 фоизга ошган.
15 июлга ўтар кечаси байрам тадбирлари давом этди ва ҳибсга олинганлар сони 723 кишини ташкил қилди.
Тартибсизликлар Франциянинг кўплаб катта шаҳарларида ҳам содир бўлди. Лионда катта супермаркет ёқиб юборилди, безорилар ўт ўчириш ва полициянинг патруль машиналарига ҳужум уюштирди.
Сен-Сен-Дени департаментида дўконлардан ташқари мактаб биноларига ҳам ўт қўйилди.
Изоҳ (0)