Украинада ўзини 10-қаватдан ташлаб юборган эркак тирик қолди

Киев шаҳрининг Харьков кўчасида 14 июль куни, тонгда эркак кўп қаватли уйнинг ўнинчи қаватидан ўзини ташлаб юборди. У майсазорга тушди ва жиддий шикаст етганлигига қарамасдан тирик қолди. Бу ҳақда «Segodnya.ua» хабар беради.

Милиция ходимларининг маълум қилишича, 38 ёшли эркак онаси билан бирга яшаган. Онаси ишдалигида, у ўзини балкондан пастга ташлаган. Дастлабки маълумотларга қараганда, у гиёҳванд модда қабул қилиб юрган ва охирги кунларда ўзини ёмон ҳис қилган.

Эркак шошилинч тиббий ёрдам касалхонасига етказилди, у ерда шифокорлар унинг ҳаёти учун курашмоқда.