Мисрлик таниқли актёр Умар Шариф Қоҳирада 83 ёшида вафот этди. Бу ҳақда «Эхо Москви» радиоси хабар бермоқда.
Кейинги бир неча йил давомида у Альцгеймер, яъни паришонхотирлик хасталигидан азият чекаётганди. Айнан шу касаллик туфайли Умар Шариф роллар ўйнашдан бош тортган ва 2012 йилда актёрлик карьерасини якунлаган.
Актёр иштирокидаги 1962 йилда экранларга чиққан «Арабистонлик Лоуренс» фильми «Оскар»га даъвогар бўлди ва «Олтин глобус» мукофотини қўлга киритди. Умар Шариф иккинчи «Олтин глобус»ни келтирган «Доктор Живаго», шунингдек, «Маккена олтини», «Кулгили қизалоқ», «Рим империясининг қулаши» каби 50 дан зиёд фильмларда ўйнаган.
Изоҳ (0)