Истанбул кўчаларидан бири «Барселона»нинг янги футболчиси Арда Тураннинг исми билан аталадиган бўлди, деб хабар бермоқда «Arena.uz».
28 ёшли хавбек шаҳарнинг Байрампошшо даҳасида туғилган, футболчилик фаолиятини эса мамлакатнинг энг номдор клуби «Галатасарой»да бошлаганди.
2011 йилда Истанбулдан Мадриднинг «Атлетико» клубига кўчиб ўтди. Ҳафта бошида эса 34 миллион евро эвазига «Барселона»га олиб келинди, аммо трансферларга қўйилган тақиқ сабаб 2016 йил январигача каталонияликлар сафида расмий ўйинлардаги дебютини ўтказа олмайди.
– Биз «Ўрда» кўчаси номини «Арда Туран»га алмаштирамиз, – дейди Байрампошшо ҳокими Атила Ойдиннур. – Биз бу ҳақида шаҳар ҳокимиятига баён қилдик. Туран – бизнинг фахримиз.
Изоҳ (0)