22 июнь куни Тошкентдаги «Пахтакор» марказий стадионида «Биз гиёҳвандликка қаршимиз» шиори остида «Футбол шоу» бўлиб ўтди, деб хабар беради «Ўзбекнаво» матбуот хизмати.
Тадбир «Камолот» ёшлар ижтимоий ҳаракати, Маданият ва спорт ишлари вазирлиги, «Ўзбекнаво» эстрада бирлашмаси ҳамкорлигида ташкил этилди.
Олдинроқ «Футбол шоу» «Бунёдкор» стадионида ўтказилиши хабар берилганди. Лекин номаълум сабабларга кўра ушбу тадбир «Пахтакор» стадионига кўчирилган.
Kamolot.uz берган хабарга кўра, «Футбол шоу»да Актёрлар жамоаси Хонандалар гуруҳига қарши майдонга тушган.
Актёрлар жамоасига Дилшодбек Каттабеков, хонандалар жамоасига эса Равшан Намозов мураббийлик қилди.
Актёрлар жамоаси аъзолари: Жавлон, Аброр Ҳайитназаров, Толибжон Мўминов, Шукрулло Исроилов, Наримон Султонхўжаев, Азиз Раметов, Меҳриддин Раҳматов, Валижон Шамсиев, Самандар Ҳамроқулов, Йигитали, Шерзодбек Саидалиев, Собиржон Отажонов (дарбозабон) ва бошқалар.
Хонандалар гуруҳи аъзолари: Дилниёз, Адҳам Солиев, Мустафо, Музаффар, Жамшид, Равшан Собиров, Баҳром Назаров, Сардор Раҳимхон, Шоҳруххон, Достон Убайдуллаев, Машҳурбек, Элдидо, Достон, Алишер ва бошқалар.
Ўйин дуранг билан якунланди. Пенальтилар сериясида хонандалар ғолиблик шоҳсупасига чиқди.
Изоҳ (0)