«Футбол шарҳи» кўрсатуви ЎФФдан Миржалол Қосимовнинг истеъфосини сўради

Кеча, 22 июнь куни «Спорт» канали орқали эфирга узатилган «Футбол шарҳи» кўрсатуви Ўзбекистон футбол федерациясидан миллий терма жамоа бош мураббийи Миржалол Қосимовнинг истеъфосини сўради, деб хабар беради «Stadion.uz».

«Терма жамоанинг кетма-кет 4 та баҳсдаги салбий натижаси учун кимдир жавоб бериши керак. Терма жамоа Жанубий Корея билан дуранг ўйнади, Японияга йирик ҳисобда имкониятни бой берди. Эрон ва КХДР билан учрашувларда нурсиз ўйин қайд этилди. Ўзбекистон футбол федерацияси Миржалол Қосимовни истеъфога чиқариши керак, назаримизда. Шу орқали юртимиздаги футбол муҳитида ўзгариш юз беради», — дея фикр билдирди «Футбол шарҳи» муаллифи Зафар Имомхўжаев.