Япония футбол федерацияси президенти Дзюндзи Огура ОАВларнинг ташкилот 2002 йилги жаҳон чемпионати мезбонини аниқлаш учун ўтказилган сайловда овоз олиш учун Жанубий Америка футбол конфедерацияси (КОНМЕБОЛ)га 1,5 миллион доллар пора берганлиги ҳақидаги хабарларини рад этди, деб ёзади ТАСС.
«Буни ақлга сиғдириб бўлмайди. Қаердан чиқди бунақа гаплар?» — деди у.
Аввалроқ АS нашри КОНМЕБОЛ собиқ ходимига таяниб, 1,2 миллион доллар конфедерация раҳбари Николас Леос, 200 минг доллар бош котиб Эдуардо де Луке ва яна 100 минг доллар ФИФА билан алоқалар бўлимига жавобгар Зоран Даннис ҳисобига ўтказиб берилгани ҳақида ёзган эди.
Изоҳ (0)