Қозоғистоннинг Қарағанди вилоятидаги Шахтинкс шаҳрида яшовчи 40 ёшли эркак ўз уйи томида антеннани тўғирлаётганида вафот этди. Воқеа жойига етиб келган шифокорлар ўлим яшин уриши натижасида содир бўлганлигини тахмин қилмоқда, деб хабар беради «Nur.kz».
Фожиа куни шаҳарда момақалдироқ бўлиб, шаррос ёмғир ёғган.
Жала тинганидан кейин эркак онасининг дачасига келган. Онасининг илтимосига кўра томга чиқиб антеннани тўғирлаётганида уни кучли ток урган.
Эркак томдан қулашидан олдин унинг қўшниси қарсиллашга ўхшаш овоз эшитган. Кўчада ўйнаётган болалар уй устида чақмоқ чақнаганини айтган. Бошқа қўшнилар уй яқинида юқори вольтли электр симлари ўтганига ишора қилди.
Изоҳ (0)