Автотест Ўзбекистонда автомобиль бошқаришни ўргатишнинг бутунлай янгича ёндашувини тақдим этади.
«Биз шунчаки таълим беришни эмас, юртимиз кўчаларида ҳаракатланадиган юқори малакали ҳайдовчиларни тайёрлашни мақсад қилганмиз. Ўқув жараёнлари қизиқарли бўлиши билан бирга ўта жиддий ҳам бўлади. Имтиҳонларда пала-партишлик қилиш ярамайди. Чунки Автотест сертификатига фақатгина энг фаол, билимдон ўқувчиларгина эга чиқишлари мумкин», — дейди лойиҳа асосчилари.
Йўл ҳаракати қоидаларини ўргатиш, айниқса, назарий билимлар ўқув жараёнининг энг муҳим қисмларидан биридир. Интерактив ўқув дастури анимацион видеодарслар, қизиқарли савол-жавоб ва ўйинлар каби замонавий ўқитиш услубини ўз ичига олади.
Автотест автомактабларида ҳар бир дарс амалиёт билан тўлдирилади – замонавий симуляторлар ва махсус компьютер дастурлари ёрдамида ўқувчиларга реал вазиятга ўхшаш шароит яратиб берилади. Ҳозирда транспорт ҳайдовчиларини тайёрлашга доир 276 соатлик дарс жадвали ишлаб чиқилмоқда.
Ўқувчилар назарий билимларни эгаллач пойтахтимизнинг Сергели туманидаги замонавий автодромда амалий машғулотларни ўтказадилар.
Мазкур замонавий ва юртимизда ўхшаши йўқ автодром Автотест учун махсус қурилган бўлиб, унда бўлажак ҳайдовчилар машинани турли шароитдаги йўлларда (ёмғир, қор, муз) бошқаришни синаб кўрадилар. Автотест автомобиллари ҳаракат қурилмалари, GPS навигаторлари ҳамда назорат камералари билан жиҳозланган.
Ўқув биноси ичида ўқувчиларнинг хатти-ҳаракати, билим олиш кўрсаткичлари, дарсларга қатнашиш давомати автоматлаштирилган тизим орқали назорат қилинади, бу эса ўқувчиларни объектив баҳолашга ёрдам беради.
Шуни алоҳида таъкидлаш керакки, Автотест ўқув марказида аёл ҳайдовчилар учун алоҳида аёл-инструкторлар, психологлар томонидан дарслар олиб борилади.
Ўқув марказида биринчи тиббий ёрдам кўрсатиш фани профессионал шифокорлар томонидан олиб борилади.
Бир сўз билан айтганда Автотест ўқув маркази юртимизда транспорт ҳайдовчиларини тайёрлаш ва қайта тайёрлаш соҳасида яна бир олдинга ташланган қадам бўлди, деб айтсак муболаға бўлмайди. Ўйлаймизки, ушбу замонавий таълим маскани битирувчилари ҳар жиҳатдан бошқа ҳайдовчиларга ўрнак бўла оладилар.
Хизматлар лицензияланган.
Реклама ҳуқуқи асосида
Изоҳ (0)