Россия қуролли кучларига 2015 йилда 40та қитъалараро баллистик ракеталар етказиб берилади. RBC.ru’нинг хабар беришича, бу ҳақда «Армия-2015» халқаро ҳарбий-техникавий форум очилишида Россия президенти Владимир Путин маълум қилди.
«Жорий йилда ядровий кучлар таркибини 40та нисбатан янги қитъалараро баллистик ракеталар тўлдиради, улар исталган, ҳатто техник жиҳатдан энг мукаммал ҳаво ҳужумидан мудофаа тизимларини ҳам йўқ қила олади», - деди Путин.
Россия етакчисининг қайд этишича, форумда намойиш этилаётган ҳарбий роботларнинг намуналари ва бошқарув тизимлари кўп жиҳатдан Россия армияси келажагини белгилайди. Путин 2020 йилга бориб Россия армиясидаги замонавий қурол-аслаҳалар улуши 70-100 фоизга етишига умид билдирди.
Ўтган ҳафта The New York Times газетаси Пентагон Шарқий Европанинг бир қатор мамлакатлари, хусусан, Польша, Эстония, Литва, Латвия, Венгрияга оғир қурол-аслаҳа, жумладан, танкларни жойлаштиришни режалаштираётгани ҳақида хабар берганди. Июнь ойи бошида эса Associated Press агентлиги Барак Обама маъмурияти Европа ва Осиё мамлакатларига ракеталарни жойлаштириш масаласини ўрганиб чиқаётганини маълум қилганди.
Изоҳ (0)