Буюк Британия парламенти мамлакатни Европа Иттифоқига аъзо давлатлар рўйхатидан чиқариш учун референдум ўтказиш масаласидаги қонун лойиҳасини маъқуллади, деб хабар беради «Meduza».
Энди ҳужжат кўриб чиқиш учун парламентнинг ижроия қўмитасига жўнатилади. Қўмита уни кўриб чиққанидан сўнг тузатишлар учун ўз вариантини таклиф қилади.
544 депутат қонун лойиҳасини ёқлаб овоз берди, 53 киши қарши чиқди.
2017 йилга қадар мазкур референдумни ўтказиш бош вазир Дэвид Кэмерон бошлиқ Буюк Британия консерватив партиясининг асосий сайловолди ваъдаларидан эди – партия 7 май куни бўлиб ўтган умуммиллий сайловларда ғалаба қозонди. Қиролича Елизавета II май ойи охирида Буюк Британиянинг Европа Иттифоқидан чиқиши масаласидаги референдум 2017 йилгача ўтказилишини тасдиқлаганди.
Изоҳ (0)