АҚШ президенти Барак Обама «Катта еттилик» мамлакатлари Россияга қарши санкцияларни нафақат сақлаб қолишини, балки уларни кучайтишга тайёр ҳам эканлигини маълум қилди, деб хабар бермоқда «Европейская правда».
«G7’нинг барча аъзолари Украинага нисбатан зўравонлиги учун Россияга қарши санкцияларни сақлаб қолишга рози бўлди. Тан олиш лозимки, Россия иқтисодиёти санкциялар оқибатида сезиларли даражада кучсизланди. Рубль қадрсизланди, инвестициялар камайди, инфляция кучайди, Россия Марказия банки 150 миллиард долларлик заҳирасидан айрилди.
Россия банклари халқаро заёмлар бозоридан узилиб қолган, энергетика компаниялар технологияларни ололмаяпти, ҳарбий саноат мажмуаси корхоналари ҳам зарур техноогиялардан узиб қўйилган. Россия — чуқур рецессияда.
Россиянинг Украинадаги ҳаракатлари Россия ва россияликларга зарба бермоқда. Россия Минск келишувлари доирасидаги мажбуриятларини бузаверса, санкциялар сақланиб қолаверади. Биз Россияга қарши қўшимча сезиларли санкцияларни киритишга тайёр турамиз», — деди Обама.
Изоҳ (0)