Африка қитъасида жойлашган Бурунди давлатида ҳарбий давлат тўнтаришига уриниш бостирилди. Бу ҳақда мамлакат армияси генерали Прим Ниёнгабога асосланиб Reuters хабар бермоқда.
Айни пайтда Танзанияда бўлиб ўтаётган Африка давлатлари раҳбарлари саммитида иштирок этаётган Бурунди президенти Пер Нкурунзиза ўзининг Twitter’даги саҳифасида мамлакат аҳолисини хотиржамликка чақириб пост жойлаштирган.
Қайд этилишича, 13 майдан 14 майга ўтар кечаси полиция кийимидаги номаълум шахслар иккита хусусий радиостанися ва телеканални эгаллаб, генерал Годфруа Нийомбаре номидан Нкурунзиза учинчи марта президентлик сайловида иштирок этиш истагини билдириб, Конститутсияни бузгани учун ҳокимиятдан четлатилиши ҳақидаги мурожаатни ўқиб эшиттирган.
Нкурунзиза 26-апел куни президент сайловида қатнашиш истагини эълон қилгач, мамлакатда тез орада норозилик намойишлари бошланиб кетган. Полиция қурол ишлатган, 10 киши ҳалок бўлган ва 100 га яқини жароҳат олган. 5 май куни Konstitutsiyaviy суд президентнинг ўз номзодини илгари суриш ҳуқуқини тасдиқлаган.
1993 йилдан 2005 йилгача Бурундида тутси ва хуту этник гуруҳлари ўртасида фуқаролик уруши давом этган. Можаро парламент сайловидан кейин бошланиб кетган. 2005 йил августида Пер Нкурунзиза президент лавозимига киришгачгина уруш расман якунланган. Можаро давомида 300 мингдан ортиқ киши ҳалок бўлган.
Изоҳ (0)