Рим папаси Франциск илк бор Ватиканда Куба президенти Рауль Кастро билан учрашди. Бу ҳақда Meduza.io хабар бермоқда.
Иккинчи жаҳон урушидаги Ғалабанинг 70 йиллигига бағишланган Москвадаги тадбирлардан қайтаётган Куба етакчиси Ватиканда тўхтаб ўтган.
Ёпиқ эшиклар ортида ўтадиган учрашувда Рауль Кастро папа Францискка Америка-Куба муносабатларини яхшилашга қўшган ҳиссаси учун миннатдорчилик билдиради.
Франциск Куба ва АҚШ ўртасидаги музокараларда шахсан ўзи воситачи сифатида қатнашгани, шундан сўнг икки мамлакат 2014 йил декабрида 1961 йилда узилиб қолган дипломатик алоқаларни қайта тиклашга киришгани ҳақида хабар берилган эди.
Аввалроқ папа Франциск сентябр ойида Кубага ташриф буюриши маълум қилинган эди. Бунгача икки Рим папаси расмий ташриф билан Кубада бўлган.
Изоҳ (0)