Британиядаги Марказий Ланкашир университети бир кун — 7 май куни ўз дарсхоналаридан бирига кучукчаларни киритиб юборади, дея хабар бермоқда The Independent. Бу талабаларга имтиҳонлар туфайли юзага келган руҳий зўриқишни енгишда ёрдам бериш мақсадида қилинади.
«Толиққан талабалар учун» акция ОТМнинг талабалар кенгаши томонидан йўлкўрсатувчи итларни тарбиялаш билан шуғулланувчи маҳаллий хайрия жамғармаси билан ҳамкорликда ташкил қилинди. Шу мақсадда алоҳида ажратилган хонада талабалар имтиҳонлар туфайли юзага келган чарчоқни чиқариш учун кучукчаларни силаб-сийпаши мумкин.
Ташкилотчилар умид қилишича, акция жамғарма учун маблағ йиғиб (хоҳловчилар 1,5 фунт стерлингдан хайрия қилиши мумкин), итларга эса одамлардан қўрқув ҳиссидан қутулишга ёрдам бериши мумкин.