Бир неча ойлар аввал Instagram ижтимоий тармоғи орқали «Ҳабибим ҳолим ёмон» номли қўшиқнинг анонс фотосуратлари уни ижро этган хонанданинг исми ошкор қилинмаган ҳолда тарқалганди, деб ёзади «Popcorn.uz». Ўша вақтда бу сурат кўпчиликнинг қизиқишига сабаб бўлиб, турли тахминлар билдирилган.
Ижтимоий тармоқларда бу қўшиқнинг муаллифи Лола, Райҳон ва ҳатто Асал Шодиева деб ўйлаганлар ўз тахминларига жавоб олдилар. Вақт ўтиб, бу тарона ва унинг ижрочиси номи ошкор бўлди. Премьера қилинган қўшиқнинг номи «Ҳабибим ҳолим ёмон» деб номланиб, унинг муаллифи кўплаб мухлисларнинг севимли хонандаси Сардор Раҳимхондир.
Қўшиқнинг матни Бобур Бобомурод қаламига мансуб, мусиқа ва аранжировка муаллифи эса Аҳмад Хожиматовдир. Чинакам муҳаббат туйғуси эътироф этилган тарона учун шу кунларда клип суратга олинмоқда. Видеоклип таниқли клипмейкер Ёдгор Носиров томонидан тасвирга олинмоқда.