Брюссель полицияси Қироллик санъат ва тарих музейидан Миср мўмиёсининг бошини ўғирлаб кетган белгияликни ҳибсга олди. Бу ҳақда «Segodnya.ua» хабар бермоқда.
Брюссель прокуратураси вакилининг сўзларига кўра, ўғри ўз қилмишини тан олган ва бу ҳаракатни ўзининг молиявий аҳволини яхшилаб олиш мақсадида амалга оширганини маълум қилган.
Мўмиё бошини сотиб олган харидор, унга музей экспонатининг бир қисмини сотган шахс ҳибсга олинганини билганидан сўнг, кўнгилли равишда полицияга келиб, бўлган воқеани маълум қилган.
Харидор Миср мўмиёсининг боши учун қанча пул тўлагани маълум қилинмаяпти. Брюссель прокуратураси вакилининг сўзларига кўра, мўмиёланган жасаднинг бир қисми тез орада музейга қайтарилади.
Изоҳ (0)