Қозоғистон президенти Нурсултон Назарбоев таниқли мусиқачи, эстрада хонандаси ва бастакор Батирхан Шукеновнинг вафоти муносабати билан унинг қариндошлари ва яқинларига ҳамдардлик телеграммасини жўнатди, дея хабар бермоқда «Nur.kz».
Teлеграммада таъкидланишича, Шукенов ҳар томонлама иқтидорлилиги, юқори ижрочилик маҳорати ва шахсий хислатлари туфайли миллионлаб тингловчилар меҳрига сазовор бўлган.
«Бундай одамнинг тасодифий вафоти барчада чуқур ўкинч ҳиссини уйғотади. Унинг ёрқин исми унинг ижросидаги қўшиқлар каби халқимиз хотирасида мангу яшайди», — дейилади телеграммада.
Эслатиб ўтамиз, Қозоғистонлик таниқли хонанда, «А-Студио» гуруҳининг собиқ солисти Батирхан Шукенов 52 ёшида вафот этди. Дастлабки маълумотларга кўра, хонанда инфарктдан вафот этган. Фожианинг бошқа тафсилотлари маълум эмас.
Изоҳ (0)