Chevrolet компанияси Corvette Z06 суперкарининг C7.R русумли пойга автомобилига бағишланган махсус версиясини тақдим этди, деб хабар бермоқда «Motor.ru». Янги моделнинг адади 500 нусха билан чекланади.
Ушбу суперкар «купе» ва «кабриолет» кузовларида, сариқ ва қора рангларда чиқарилади. Ўзига хос VIN рақамига эга бўладиган автомобиллар Brembo карбон-керамик тормозлари, Michelin Pilot Sport Cup 2 шиналари кабилардан иборат Z07 трек пакетлари билан таъминланади.
6,2 литрли V8 двигатели Eaton механик компрессорига эга бўлиб, қуввати 650 от кучига тенг. Оддий Chevrolet Corvette Z06 камида 79,9 минг долларга тушса, Z07 Performance Package пакети учун қўшимча 8 минг доллар тўлашга тўғри келади.