«Бавария» ЕЧЛ чорак финали жавоб ўйинида «Порту»ни 6:1 ҳисобида мағлуб этди

Мюнхеннинг «Бавария» клуби Европа Чемпионлар лигасининг чорак финал учрашувида ҳеч ким кутмаган натижани қайд этди. Хосеп Гвардиола шогирдлари илк ўйиндаги 1:3 ҳисобидаги мағлубиятга 6:1 ҳисобидаги ғалаба билан жавоб қайтаришди, деб хабар бермоқда «Olamsport».

Бу билан мюнхенликлар плей-офф ўйинлари икки учрашувдан иборат бўлишини ва илк баҳсдан кейин хулоса чиқаришга эрта эканлигини амалда исботлашди. Теннисга хос ҳисоб билан зафар қучган «Бавария» бош мукофот учун курашни давом эттиради.

«Бавария» — «Порту» 6:1 (Биринчи ўйин - 1:3)

«Бавария»: Нойер — Рафиня (Роде, 72), Боатенг, Бадштубер, Бернат — Лам, Алонсо, Алкантара (Данте, 90) — Мюллер, Левандовски, Гётце (Вайзер, 86)

«Порту»: Фабиано — Диего Реес (Рикарду Перейра, 33), Майкон, Маркано, Мартинс Инди — Эррера, Каземиро, Оливер Торрес — Куарежма (Невеш, 46), Жексон Мартинес, Браими (Эвандро, 67)

Огоҳлантиришлар: Бадштубер — Эррера, Жексон Мартинес, Рикарду Перейра, Маркано

Четлатиш: Маркано, 87 (иккинчи сариқ)