Chevrolet Хитойдаги автошоуда келажак электромобилини тақдим этади

Chevrolet компанияси Пекиндаги автошоуда General Motors’нинг Осиёдаги техник маркази томонидан ишлаб чиқилган FNR (Find New Roads) концепт—электрокарини тақдим этади, деб хабар бермоқда «Motor.ru».

Ушбу концепт келажак электромобилларининг тахминий кўринишини тасаввур қилиш учун тақдим этилиши кутилмоқда. Chevrolet FNR автопилот, аккумляторларни симсиз қувватлантирувчи мослама, автомобилнинг баъзи функцияларини бошқариш учун кўз ҳаракатини кузатувчи ва ишораларни танувчи тизим билан жиҳозланади. Бошқа тафсилотлар ҳозирча маълум қилинмаган.

Chevrolet томонидан чиқарилган сўнгги электромобил прототипи Bolt EV компакт хетчбеки бўлиб, 2015 йил бошида Детройт автосалонида тақдим этилган эди. Нархи 30 минг доллардан ошмайдиган ва бир марта тўлдирилган қувват билан 300 километргача юра оладиган ушбу электромобиллар 2017 йилда сотувга чиқарилиши кутилмоқда.