Букингем саройи соқчиси сайёҳлар тўдаси қаршисида уялиб қолди (видео)

Лондондаги Букингем саройи соқчиси сайёҳлар тўдаси қаршисида хижолат тортиб қолди: соқчилар алмашинуви пайтида у сирпаниб кетиб, йиқилиб тушди, деб ёзади «Газета.ru».

Йигит тезгина ўрнидан турди, унинг ҳамкасблари эса ҳеч нарса бўлмагандек ёнидан марш қилиб ўтди. Соқчи йиқилиб тушганини кўп одамлар кўрганини англаганидан сўнг қизариб кетди.

Ҳодиса акс этган видео интернетга жойланди. Соқчининг исм-шарифи ошкор этилмаяпти. Британия мудофаа вазирлигидагилар «ўз ишини бажариш вақтида йиқилиб тушган йигит» ҳақидаги маълумотни изоҳламасликларини айтди.