АҚШда хусусий қўриқлаш компаниясининг тўрт нафар ходими 14 ироқликни ўлдиргани учун судланди

Вашингтонда АҚШнинг Blackwater хусусий қўриқлаш компаниясининг тўрт нафари ходимига 2007 йилда Ироқда тинч аҳолининг ўн тўрт вакилини ўлдирганлиги учун ҳукм эълон қилинди, деб хабар бермоқда «Корреспондент.net».

Атайлаб одам ўлдирганликда айбдор деб топилган Николас Слаттен умрбод, атайлаб қилинмаган қотиллик ва ноқонуний қурол сақлашда айбдор деб топилган Пол Слау, Эван Либерти ва Дастин Херд ҳар бири 30 йилга озодликдан маҳрум этилди.

Қайд этилишича, 2007 йил 16 сентябрь куни АҚШ Давлат департаменти вакиллари ўтирган автомобиллар колоннаси йўлининг олдини очиш вақтида улар Бағдоддаги энг гавжум майдонлардан бирини ўққа тутган. Расман 14 киши ҳалок бўлгани ва 17 киши жароҳат олгани айтилган, бироқ қурбонлар сони кўпроқ бўлиши мумкин.

АҚШ маъмурияти ушбу воқеадан кейин Blackwater ташкилоти билан шартномасини бекор қилиб, унинг лицензиясини олиб қўйган. Компания шундан кейин бир неча марта номини ўзгартирган. Ҳозирда Academi деб номланадиган ташкилот ходимлари сони 20 мингдан ортиқ.