Украина президенти Пётр Порошенко Владимир Путинга гўёки Донбассни ўзига олишни таклиф қилгани ҳақидаги хабарларни «аҳмоқлик» деб атади. Бу ҳақда «Эхо Москвы» хабар бермоқда.
Одессада нутқ сўзлар экан, Порошенко бу миш-мишларни изоҳламаслигини айтди. Шунингдек, у журналистларга бу суҳбатни бошқа тилга олмасликни маслаҳат берди.
Эслатиб ўтамиз, Forbes вазиятдан хабардор манбаларига таяниб, 19 март куни Россия саноатчилар ва тадбиркорлар иттифоқи идораси бюроси билан ёпиқ учрашувда Владимир Путин бизнесменларга Украина раҳбари Пётр Порошенко унга Донбассни Россия таркибига қўшиб олишни таклиф қилганини, бироқ у бундан бош тортганини гапириб берди, дея хабар берган эди.
Кейинроқ эса Украина ташқи ишлар вазирлиги спикери Евгений Перебийнис «Донбассдан чиқиб кетинг» дегани «Донбассни қўшиб олинг» дегани эмаслигини айтган эди.
Изоҳ (0)