«Фенербахче» клуби автобусига уюштирилган қуролли ҳужум натижасида ҳайдовчи яраланди

Истанбулнинг «Фенербахче» клуби Туркия чемпионати доирасида «Ризеспор» жамоаси устидан 5:1 ҳисобида ғалабага эришди, деб хабар бермоқда «Uff.uz».

Учрашувдан сўнг клуб автобусига қуролли ҳужум уюштирилган. Риза шаҳридан Трабзон томон кетаётган автобус томон ўқотар қуролдан ўт очилган. Хабар қилинишича, бу вақтда автобус катта тезликда ҳаракатланаётган бўлган.

Ҳужум натижасида автобус ҳайдовчиси яраланган. Шунга қарамай, у бошқарувни қўлдан чиқармаган ва жиддий автоҳалокатдан сақланишга муваффақ бўлган. Айни вақтда ҳайдовчи жиддий жароҳат билан касалхонага етказиб борилди.

«Фенербахче» клуби футболчилари ва мураббийлари Трабзон шаҳридаги аэропортга зирхли автомобилларда олиб борилган.