Ким Чен Ин Ил-62 қитъалараро реактив самолётда учиши маълум бўлди (фото)

Экспертлар КХДР етакчиси Ким Чен Ин ишлаб чиқарилиши Собиқ Иттифоқ давридаёқ бошланиб, социалистик мамлакатларга кўплаб етказиб берилган Ил-62 қитъалараро реактив йўловчи самолётидан фойдаланади, деган хулосага келди, деб хабар бермоқда «Аргументи и факти».

Яқинда тарихда илк марта Ким Чен Иннинг шахсий самолёти ички кўринишининг суратлари пайдо бўлди. Улар КХДР раҳбари Пхеньянда қурилаётган йирик илмий маркадаги ишларнинг боришини осмондан кузатиш учун қилган парвози вақтида суратга олинган.

Россия президенти Владимир Путин томонидан Иккинчи Жаҳон урушидаги ғалабанинг 70 йиллиги муносабати билан уюштириладиган тантаналарга таклиф қилинган Ким Чен Ин Москвага ҳам айнан шу самолётда келиши кутилмоқда.