Саудия Арабистони раҳбарияти иқтисодий воситалардан фойдаланган ҳолда Россия томонидан Сурия президенти Башар Асад қўллаб-қувватланишини тўхтатишга эришмоқчи, деб хабар бермоқда «Газета.ru».
The New York Times газетасининг ёзишича, Москва Сурия бўйича позициясини ўзгартирган тақдирда Ар-Риёд нефть қазиб чиқариш ҳажмини камайтиришга тайёр, бу эса ўз навбатида «қора олтин» нархининг кўтарилишига олиб келади.
Нашрнинг қайд этишича, бу масалада Россия ва Саудия Арабистони ўртасидаги махфий музокаралар бир неча ойдан буён давом этмоқда, бироқ ҳозирча бу борада бирор натижага эришилмаган.
Шу билан бирга, Саудия Арабистонининг юқори лавозимлардаги амалдорлари Россиянинг позициясига таъсир ўтказиш воситаларига эгалигига АҚШни ишонтиришга уринмоқда. Яқин Шарқда нефть қазиб чиқариш ҳажмининг камайиши нефть нархининг пасайишига ҳам олиб келиши тайин, бу эса Россия иқтисодиёти учун ўта муҳим.
Изоҳ (0)