Samsung Galaxy Note 4 Ўзбекистонда «йил смартфони» деб топилди

«Mobinfo.uz» сайти 2014 йилда эълон қилинган смартфонларнинг 17 та энг оммабопи ўртасида ўтказилган сўровнома якунларини эълон қилди. Жами 970 киши қатнашган ушбу сўровнома сайт версияси бўйича йилнинг энг яхши смартфонларини аниқлаб берди.

Биринчи ўринни 19 фоиз овоз билан Samsung Galaxy Note 4 эгаллади. Galaxy Note 4’нинг олд камераси 120 даража бурчак остида сурат олади. Шу боис унинг ёрдамида селфи сурат олиш анча қулай. Унинг олд камерасида ҳам панорама сурат олиш мумкин. Унда 5,7 дюйм 2560×1440 пикселли Super AMOLED дисплей, 3,7 мегапикселли олд ва 16 мегапикселли орқа камера, 3220 мА·соат қувватга эга батарея, 3 Гб тезкор ва MicroSD ёрдамида кенгайтириш мумкин бўлган 32 Гб ички хотира ўрнатилган. Унинг тўрт ва саккиз ядроли процессорга эга турлари бор. Гаджетда тезкор қувватлаш функцияси мавжуд. Бу билан планшетофон батареясининг қувватини 50 фоизга тўлдириш учун 30 дақиқа сарфланади.

Иккинчи ўринни 17 фоиз овоз тўплаган Sony Xperia Z3 эгаллади. Sony Xperia Z3 смартфонининг қалинлиги 7,3 миллиметр, оғирлиги эса 152 грамм. Смартфоннинг бошқа ўлчамлари 146×72 миллиметрни ташкил этади. Унинг бурчаклари айлана шаклида. Смартфон чанг ва сувга чидамлилик IP68 сертификатига эга. Унда  5,2 дюйм 1080×1920 пикселли дисплей, 3 Гб тезкор ва 16 ёки 32 Гб ички хотира, 2,5 ГГц частотага эга тўрт ядроли процессор, 3100 мА·соат қувватга эга батарея, Android 4.4 KitKat операцион тизими ўрнатилган.  Асосий камераси — 20,7 мегапикселли.

Кутилмаганда iPhone 6 15 фоиз овоз билан учинчи ўринни эгаллади. Шунингдек, кучли бешликдан Samsung Galaxy S5 ва LG G3 самртфонлари ҳам ўрин олган. iPhone 6 Plus ва HTC One M8 каби смартфонлар эса юқори баҳоланмаган.

Қуйида тўлиқ рейтинг билан танишишингиз мумкин:

• Samsung Galaxy Note 4 (17%);
• Sony Xperia Z3 (15%);
• Apple iPhone 6 (14%);
• Samsung Galaxy S5 (10%);
• LG G3 (8%);
• Nokia Lumia 930 (5%);
• HTC One M8 (5%);
• iPhone 6 Plus (5%);
• Samsung Galaxy Alpha (4%);
• Xiaomi Mi 4 (4%);
• Huawei Ascend Mate 7 (3%);
• Lenovo Vibe Z2 (2%);
• OnePlus One (2%);
• Nexus 6 (2%);
• Huawei Ascend P7 (2%);
• BlackBerry Passport (1%);
• Moto X (1%).