Март ойида Барселонда бўлиб ўтадиган Mobile World Congress 2015 кўргазмасида тақдим этилиши кутилаётган Lenovo Vibe Z3 Pro смартфони расмлари интернетда тарқалиб кетди, деб ёзади «Mail.ru».
Суратларга қараганда, смартфон йирик ҳажмга эга, унинг четлари алюминийдан ишланади. Смартфоннинг юз қисмида ҳеч қандай ёзув ва тугма бўлмайди.
Расмларни ошкор қилган манбанинг ёзишича, Vibe Z3 Pro 5,5 дюйм 2560×1440 пикселли дисплей, саккиз ядроли Qualcomm Snapdragon 810 процессори, 4 Гб тезкор ва 64 Гб ички хотира, 3400 мА/с сиғимига эга аккумулятор ҳамда 16 мегапикселли камера билан жиҳозланади. Қурилма Android 5.0 Lollipop операцион тизимида ишлайди.
Изоҳ (0)