Россиянинг «Газпром» компанияси 2015 йилда Ўзбекистондан газ сотиб олиш ҳажмини тўрт мартадан кўпроққа қисқартиради. Бу ҳақда компания бошқарув раиси ўринбосари Александр Медведев Гонконгда маълум қилди, деб хабар бермоқда «12news.uz».
«Туркманистон билан бу йилги шартнома 10 миллиард кубометрдан 4 миллиардга қисқартирилди. Бу бизнинг умумий қароримиз. Ўзбекистондан ҳам шимолий йўналишда газни кейинчалик транзит қилиш ва бозорларга тақсимлаш учун фақатгина 1 миллиард кубометр қолади. Яъни тўрт баравардан кўпроқ қисқаради. Қисқартирилган 6 ва 3,5 (миллиард) − жами қарийб 10 миллиард кубометр Россия гази билан алмаштирилади», − деди Медведев.
Эслатиб ўтамиз, Ўзбекистон ҳозирда табиий газни Россия ва Хитойга экспорт қилади. Экспертларнинг фикрича, «Газпром» Ўзбекистондан сотиб олинган газни Қозоғистон ва Қирғизистон бозорларига тақсимлайди.
Изоҳ (0)