31 январь куни Италия президентлигига Конституциявий суд судьяси, собиқ бош вазир ўринбосари 73 ёшли Сержо Маттарелла сайланди, дея хабар бермоқда «Лига. Новости». Унинг номзоди учун парламентнинг 650 аъзоси овоз берди, аслида бунинг учун 505 та овоз етарли.
Италиянинг 12-президенти мамлакатнинг барча 20 та вилоятлари вакиллари иштирокидаги палаталар умумий мажлисида парламент томонидан сайланди. Маттарелланинг номзоди ҳукмрон Демократик партия томонидан илгари сурилди.
Янги президент кейинги ҳафта қасамёд қилиши кутилмоқда, унинг ваколати муддати етти йилни ташкил этади.
Италия собиқ президенти 89 ёшли Жоржо Наполитано январь бошида истеъфо берган эди.
Изоҳ (0)