Сунъий йўлдошдан олинган сўнгги суратлардан КХДР Йонбендаги ядро реакторини қайта ишга тушириш учун деярли тайёрлигини кўриш мумкин, деб хабар бермоқда «Интерфакс».
«Олинган суратлар реакторни қайта ишга туширишга уринишнинг илк босқичларини кўзда тутувчи фаоллик янгиланганидан гувоҳлик бермоқда», − дейилади АҚШнинг Жон Хопкинс университетининг 38 North сайтида.
Реакторни қайта ишга тушириш эҳтимоли белгилари сифатида ортиқча босим клапанидан чиқаётган буғ ва машина залидан сизиб чиқаётган эриган сув кўрсатилмоқда.
Йонбендаги ядро объектида ўрнатилган 5 Мегаватт қувватга эга реактор 2007 йил октябрь ойида тўхтатилган эди. Ушбу реактор КХДРда плутоний олиш бўйича ягона манба ҳисобланади.
Изоҳ (0)