Тошкентда 16−20 январь кунлари 15 ёшдан 30 ёшгача бўлган ҳаваскор ва профессионал дизайнерлар ўртасида Artlas танлови ўтказилади, деб хабар бермоқда «Podrobno.uz».
Танловнинг махсус меҳмонлари исроиллик Кедем Сассон, франциялик Давид Винсан Камульо, грузиялик Мари Китесашвили каби таниқли дизайнерлар бўлади. Бундан ташқари, 16−21 январь кунлари Нукус, Урганч, Самарқанд ва Тошкентдаги ихтисисослаштирилган ўқув муассасаларида бошловчи дизайнерлар учун хорижлик модельерлар томонидан мастер-класслар ўтказилади.
Иштирокчиларни танлаш вилоятларда ўтказилади. 17 январь куни ёш дизайнерлар ишлари дастлабки кўрикдан ўтказилади. 18 январь куни Ёшлар ижоди саройида бўлиб ўтадиган танлов иштирокчилари коллекциялари намойишида финал босқичида қатнашадиган энг яхши ишлар эълон қилинади.
19 январь куни соат 18:00 да Ёшлар ижоди саройида хорижлик мутахассислар ҳакамлигида модалар намойиши ўтказилади. Тадбир якунида ғолиблар аниқланиб, тақдирлаш маросими ўтказилади. 20 январь куни соат 19:00 да Ёшлар ижоди саройида танлов ғолиблари ишларининг якуний намойиши хорижлик меҳмонларнинг эксклюзив дизайнерлик ишлари намойиши билан биргаликда бўлиб ўтади.
Изоҳ (0)