Бугун,

  • USD 11095.31
  • RUB 173.84
  • EUR 10772.44

Microsoft корпорацияси Facebook мессенжери ва Twitter дастури ўрнатилган янги ҳамёнбоп Nokia 215 телефони сотувга чиқарилишини эълон қилди, деб хабар бермоқда «Tjournal.ru».

Фото: tjournal.ru

Фото: tjournal.ru

Янги гаджет Microsoft Phone тизимида эмас, балки Series 30+ операцион тизимида ишлашига қарамай, унга Facebook мессенжери, шунингдек Twitter ва Facebook мобил дастурлари ўрнатилган. Браузер сифатида Bing қидирув тизимига эга Opera Mini дастуридан фойдаланилади. Интернет 2G тармоғи орқали ишлатилади.

Телефон бир ва икки SIM-картали версияда чиқарилади: биринчиси 29 кунгача, иккинчиси уч ҳафтагача қайта зарядлантирилмасдан ишлаши мумкин. Телефонга узлуксиз 50 соат ишлай оладиган MP3-плеер ва 45 соат ишлайдиган FM радио ўрнатилган. Қурилма 0,3 мегапикселли камерага эга. 32 Гигабайтгача бўлган сиғимга эга ташқи хотира қурилмаларини жойлаштириш мумкин.

Телефон 2015 йилнинг биринчи чорагидан Европа, Осиё, Ўрта Шарқ ва Африканинг бир нечта давлатларидан иборат чекланган рўйхатдаги ҳудудларда 29 доллардан сотувга чиқарилиши режалаштирилган.

Изоҳ
Асосий янгиликлар
Маҳаллий
Ўзбекистонда келаси ҳафта 42 даражагача иссиқ бўлади
Маҳаллий
Тошкентда йўлнинг қатнов қисмида пранк уюштирган йигитлар иши судга оширилди
Дунё
Дунё бўйлаб миллионерлар сони сезиларли даражада камайди