Буюк Британияда илк аёл епископ тайинланди

Англикан черкови Буюк Британия тарихида илк бор аёл епископни тайинлади, дея хабар бермоқда «Кун» The Telegraph ахборотига таяниб.

Икки боланинг онаси бўлган 48 ёшли Либби Лейн Британия тарихидаги илк аёл епископга айланди.

Қайд этилишича, 20 йил аввал Лейн роҳиб вазифасини бажариш ҳуқуқини қўлга киритган дастлабки инглиз аёлларидан бири бўлган.

«Ушбу тарихий кунда Англикан черкови аёл кишини епископ лавозимига тайинлади. Бу лаҳзаларни йиллаб кутган инсонлардан миннатдорман», — деди Лейн.

Аввалроқ, Англикан черкови аёлларнинг епископ этиб тайинланиши учун овоз берганди. Рус православ черкови эса ушбу қарорга салбий муносабат билдирганди.