14 декабрь, якшанба куни Қозоғистон бош вазири Карим Масимов ва Хитой Халқ Республикаси Давлат Кенгаши бош вазири Ли Кэцян Остона шаҳрида музокаралар олиб борди, дея хабар бермоқда «РИА Новости». Якунда қатор ҳужжатлар имзоланди, улар орасидан миллий валюталарда ҳисоб-китоб қилиш ҳақидаги келишув ҳам ўрин олди.
Миллий валюталарда ўзаро ҳисоб-китоб олиб бориш тўғрисидаги битим Қозоғистон Миллий банки ва ХХР Халқ банки ўртасида тузилди.
Шунингдек, томонлар ҳукуматлараро ҳужжатлар билан бирга, ядро саноати ва иқтисодиёт соҳаларидаги ҳамкорликни кучайтириш бўйича ҳамжиҳатлик тўғрисидаги меморандумларни имзолади.
Изоҳ (0)