Ўзбекистонда ҳар йили 60 тоннага яқин қон тайёрланади. Бу ҳақда Республика гематология ва қон қуйиш илмий-тадқиқот институти қошидаги Республика қон қуйиш станцияси бош шифокори ўринбосари Валентина Чупровага асосланиб «Kun.uz» хабар берди.
Чупрованинг айтишича, станция ҳар йили ўртача 17-18 минг донорни қабул қилади. Унинг фикрича, қон хизмати — тезда қон қуйиш инсон ҳаётини асраб қолиши мумкин бўлган фавқулодда вазиятларда кўрсатиладиган тез ёрдамнинг муҳим турларидан бири.
«Бундай вазият учун ҳамиша қон ва унинг таркибий қисмлари захираси мавжуд. Лекин у мунтазам равишда янгиланиши керак, шунинг учун ҳам бизнинг асосий вазифаларимиздан бири донорликни тарғиб қилишдир. Аҳоли ўртасида холис донорлик тарғибот ишлари умумдавлат, стратегик характерга эга. Бу хайрли ишда кўплаб давлат муассасалари, нодавлат ташкилотлари, ‘Маҳалла’, ‘Қон одамлар хизматида’ жамғармалари, Ўзбекистон Қизил Ярим ой жамияти иштирок этмоқда. Ҳар ойнинг биринчи жумасида акция ўтказамиз, бу акция давомида одамлар кўнгилли равишда қон топширишади. Мамлакатимизда бу иш кўнгилли ҳаракат сифатида шакллангани одамни қувонтиради. Донорликни тарғиб қилиш учун www.qonber.uz сайти ташкил қилинган», — деди Валентина Чупрова.
Изоҳ (0)