Veritasium илмий-маърифий канали инсонларни бир-биридан фарқлайдиган кодлар сонини математик усул билан ҳисоблаб чиқди. Инсондаги барча ирсий маълумотлар атиги 1,5 гигабайт хотирани эгаллайди, деб хабар бермоқда «Segodnya.ua».

Инсон организми тахминан 40 триллион ҳужайрадан иборат бўлиб, уларнинг ҳар бири 1,5 гигабайтлик ирсий кодни ташийди. Шундай қилиб, бир одамда жами 60 секстибайт (1 секстибайт 1024 экзабайтга, яъни 1 180 591 620 717 411 303 424 байтга тенг) га яқин маълумот бўлади. Veritasium вакиллари фикрига кўра, бутун дунёда сақланадиган маълумотлар  2020 йилда ҳажми 40 секстибайтга етади. Шундан бир инсон танасида нақадар улкан маълумотлар борлигини билиш мумкин.

Инсондаги ирсий маълумотларнинг 99,9 фоизи дунёдаги қолган одамларники билан бир хил. Инсонларни бир-биридан ажратадиган маълумот эса бир мегабайтдан ҳам камроқ жойни эгаллайди.