Россиянинг Новосибирск шаҳрида Халқаро Бокс федерациялари ассоциацияси (AIBA) томонидан ташкил этилаётган янги йўналишдаги Pro Boxing (APB) турнирининг иккинчи босқич жанглари бўлиб ўтди, деб хабар бермоқда UzReport.
Рио Олимпиадаси йўлланмалари ўйналаётган ушбу турнирда ўзбекистонлик боксчилар ҳам иштирок этмоқда. 52 кг вазн тоифасида рингга кўтарилган Ўзбекистон вакили Жасурбек Латипов франциялик Редуан Аслоумни 3:0 (60-54, 60-54, 60-54) ҳисобида мағлубиятга учратди.
Ушбу вазн тоифасининг қолган жангларида аргентиналик Фернандо Даниэль Мартинес италиялик Винченсо Пикардидан 3:0 (57-57, 58-56, 58-56), қозоғистонлик Иляс Сулейменов жазоирлик Муҳаммад Флиссини учинчи раундда техник нокаут билан таслим этди.
Қайд этиш жоизки, Жасурбек Латипов биринчи босқичда айнан Сулейменовга имкониятни бой берган эди. Икки кун аввал Хуршид Тожибоев ўзининг янги йўналиш турниридаги иккинчи ғалабасини тантана қилганди. Ойбек Мамазулунов эса ирландиялик Жозеф Уордга ютқазиб қўйганди.
Изоҳ (0)