HTC компанияси янги Desire 620 смартфонини расман тақдим этди

HTC компанияси Desire 620 деб номланган янги смартфонини тақдим этди. Бу ҳақда Phonearena.com сайти хабар берди, деб ёзади «Пароль» нашри.

Ушбу смартфонлар процессорларига қараб икки хил ном билан номланган. Биринчиси Desire 620 смартфони, унда 1,2 ГГц частотага эга 64 бит, тўрт ядроли Snapdragon 410 процессори ўрнатилган. У LTE модулида ишлай олади. Иккинчиси эса Desire 620G смартфони, унда 1,3 ГГц частотага эга саккиз ядроли MediaTek 6592 процессори ўрнатилган.

Смартфон моделларининг бошқа техник хусусиятлари бир хил, уларда 5 дюйм 720×1280 пикселли дисплей, 5 мегапикселли олд ва 8 мегапикселли орқа камера, 1 Гб тезкор ва 8 Гб ички хотира (+MicroSD), Android KitKat операцион тизими ўрнатилган. У икки SIM-картада ишлай олади.

Тайванда Desire 620 смартфони декабрь бошидан 225 доллар, Desire 620G смартфони эса декабрнинг иккинчи ярмидан 160 доллар нархда сотила бошланиши кутилмоқда.

Шунингдек, «Пароль» нашрида қуйидаги мақолаларни ҳам ўқишингиз мумкин:

• Ўн иккита фойдали сайт;
• Узнетда Google Play’нинг Tas-IX тармоғидан ўрин эгаллаган учта нусхаси топилди.